Schlagwort-Archive: Fußball

Dummtüch sabbeln kunn jedereen …

… winn nich.

So. Da hew de fördach speelt, unse Jungs. Ick hew dat wohl seen hat, froog mi nu aver, as ick dat sölbige Speel seen hew, as de, vun de Tiedung.
Dor hew ick läsen hat, dat de Neuer de Best wes wen is. Jo. Dor heff ick nu nix to nöölen. Is uck klor.
Wat de nu aver allmitnanner am Mertesacker`schen Jung rum to nöölen hew … Ass ick fördach dat Interview mit em ankeeken hew, hew ick applaudiert hat. Hew ick!
Bloot dormit, dat dat mol sächt worn is: Dat geit um Football un nich dorüm, wer vun de Jungs de scheunste Putz hat. Football mutt nich scheun sien – nich up’n Kopp un uck nich up`n Platz -, sonnern effektiv un wer de meesten Tore scheet, de winnt. Dat schull uk en Ballack weeten. Wat de to nöölen hat, stünd hüüt uck in`ne Tiedung bin. Sabbelmurs, de Olle. Ick säch daarto: Wat en Kahn dörf, un wat het de allewei rumbölkt hat, dörf en Mertesacker uck. So!

De Acht, de Neegen un de wilde Dörtein

De Özil is op`n Platz as de Nummer Acht eene falsche Neegen wes wen. Eene echte Neegen hett nich mitspeelt hett, ün as Schürrle denn mit´de Neegen op`n Rüüch gegen de Acht utwesselt worn is, iss`er weder eene echte, no` eene falsche Neegen wes` wen. Oder wat?

„Wir müssen ein frühes Tor machen, egal wann“, hett de Mehmet uk nau vör dem Speel sächt hett.

Jane Blond sächt daarto: Dat Beste an`n Football, sün unse Fröheren as Co-Moderatoren.
Aver een Fraag bleevt för mi open. Wat schall dat Gesabbel vun de wilde Dörtein, as bloß ölben mitspeelt hett, un wat hat de Augsburger Poppenspeeler dormit to don?